Like this:

చిన్నపుడెపుడో ఘరానా మొగుడు అనే సినిమా 56 కేంద్రాల్లో 100 రోజులు ఆడిందట అంటే..అబ్బో 56 కేంద్రాల్లోనా అనుకునేవాళ్ళు జనాలు. ఆ తర్వాత చాలా రోజుల పాటు చాలా సినిమాలు 50-60 కేంద్రాల్లో ఆడుతూ ఉంటే-సమర సింహారెడ్డి వచ్చి 72 కేంద్రాల్లో 100 రోజులు ఆడి కొత్త రికార్డులు క్రియేట్ చేసింది. ఇక 100 కి పైగా కేంద్రాల్లో 100 రోజులు ఆడిన మొదటి తెలుగు సినిమా నరసింహనాయుడు అయితే ఇప్పటి దాకా అతి ఎక్కువ కేంద్రాల్లో 100 రోజులు ఆడిన సినిమా ఠాగూర్- 194 కేంద్రాల్లో. పోకిరి సినిమా బ్లాక్ బస్టరే అయినప్పటికీ – వీరభద్ర, బంగారం, పౌర్ణమి చిత్రాలతో పాటు రిలీజవడం తో ఒకేసారి ఎక్కువ  థియేటర్లలో విడుదల కాలేక పోవడం వల్లా ప్లస్ రిలీజ్ కి ముందు (పూరీ అప్పుడు ఫాం లో లేకపోవడం వల్ల) మరీ క్రేజ్/హైప్ లేకపోవడం వల్లా – హయ్యెస్ట్ సెంటర్స్ రికార్డులజోలికి పోలేకపోయింది.

ఇప్పటివరకు తెలుగులో 50, 100, 175 డేస్ లో ఎక్కువ కేంద్రాల్లో ప్రదర్శింపబడిన చిత్రాలు-
50డేస్- తులసి – 226 కేంద్రాలు
100డేస్- ఠాగూర్- 194 కేంద్రాలు
175డేస్- సింహాద్రి-  55 కేంద్రాలు

తమిళనాడు కంటే దాదాపు 1000 థియేటర్స్ ఆంధ్రప్రదేశ్ లో ఎక్కువ కావడం వల్ల – కర్ణాటక, కేరళలో అంతకంటే తక్కువ థియేటర్లుండడం వల్ల – ఈ తెలుగులో రికార్డులే సౌత్ ఇండియా మొత్తానికీ రికార్డులు అవుతాయి. ఈ లెక్కన సౌత్ ఇండియాలోనే అత్యధిక కేంద్రాల్లో 50 రోజులు ప్రదర్శింపబడిన చిత్రం మగధీర అవుతుంది. ఇప్పుడు మగధీర దాదాపు 301 కేంద్రాల్లో 50 రోజులు ఆడినట్టుగా (ఇది సరికొత్త రికార్డు) సూపర్ హిట్ మేగజైన్ లో ఇచ్చిన ప్రకటన ఇది. మరి 194 కేంద్రాల్లో 100 రోజులు ఆడిన ఠాగూర్ ని (కేంద్రాలపరంగా) అధిగమిస్తుందా లేదా అనేది- ఇంకో 50 రోజుల్లో తెలుస్తుంది.

Today is 50th Day for Magadheera-