Like this:

ఇవాళ ప్రకటించిన జాతీయ అవార్డులలో తెలుగు సినిమా మగధీర కి రెండు అవార్డులు వచ్చాయి. ఒకటి కొరియోగ్రఫ్య్ విభాగానికి కాగా ఇంకొకటి స్పెషల్ ఎఫెక్ట్స్ విభాగానికి. కొరియోగ్రఫీ విభాగం లో శివశంకర్ మాస్టర్ కి అవార్డ్ వచ్చింది – ధీర ధీర సాంగ్ కి.
శివ శంకర్ మాస్టర్ అంటే ఎవరో అనుకునేరు టివి ప్రేక్షకులకి ఈయన బాగా తెలిసిన వ్యక్తే. మొదట్లో ఢీ ప్రొగ్రాం లో మాస్టర్స్ లో ఒకడుగా ఒక పార్టిసిపెంట్ తో వచ్చాడు. ఆ తర్వాత ఓం కార్ నిర్వహిస్తున్న ఒక ప్రోగ్రాం లో (బహుశా ఛాలెంజ్ అనుకుంటా) జడ్జ్ గా వచ్చాడు. (ఇప్పటికీ వస్తున్నాడనుకుంటా). ఈయన ఢీ ప్రోగ్రాం లొ వచ్చేటప్పుడు ఈయన్ని చూస్తే భలే నవ్వొచ్చేది నాకు. ఈయన్ని కానీ ఈయన డ్యాన్స్ ని కానీ ఎవరైనా తిడితే లేదా కామెంట్ చేస్తే వెంటనే ఏదుపొచ్చేది ఈయనకి. ఒక వేళ పొగిడేరో, అంత కంటే ఇంకా ఎక్కువగా ఏడ్చేసే వాడు. కళాకారులు సున్నిత మనస్కులంటారు. బహుశా ఆ కోవలోని వ్యక్తేమో.

ఇక రెండో అవార్డ్ స్పెషల్ ఎఫెక్ట్స్ కి. తెలుగు సినిమా లోని స్పెషల్ ఎఫెక్ట్స్ కి జాతీయ అవార్డ్ రావడం ఇది రెండోసారి. గతం లో అంజి కి వచ్చింది. గతం లో మగధీర 300 కి పైగా కేంద్రాల్లో 50 రోజులు ప్రదర్శింపబడిందని టపా వేసినపుడొకాయనెవరో (click the link for old post) అవార్డుల గురించి, ప్రత్యేకించి జాతీయ అవార్డుల గురించి మాట్లాడి, మగధీర కేవలం కాస్ట్యూంస్ సెట్టింగ్స్ తప్ప ఏమీ లేని చెత్త సినిమా అనీ, ఏ మాత్రం క్వాలిటీ లేని ఇలాంటి సినిమాలని చూడటం దౌర్భాగ్యం అన్నట్టుగా మాట్లాడుకొచ్చారు. బహుశా ఆయనంత ఇంటెలెక్చువల్స్ జ్యూరీ లో ఎవరూ లేకపోవడం వల్లే ఈ రెండు జాతీయ అవార్డులు తెలుగు కి వచ్చాయేమో.