చిరంజీవి కి అచ్చి రాని సింహాలు

 అదేంటో.. కొన్ని సార్లు, కొన్ని అచ్చిరావు కొంతమందికి. చిరంజీవి లాంటి స్టార్ కి కూడా ఈ అచ్చిరాకపోవడం తప్పలేదు. చిరంజీవి సినిమాల్లో చూస్తే సింహం అన్న పేరు- డైరెక్ట్ గా గానీ, ఇన్ డైరెక్ట్ గా గానీ, ఇంకోరకంగా కానీ ప్రస్తావించిన ప్రతీసారీ దెబ్బే తగిలింది. ఆఖరికి కొదమ సింహం లాంటి మంచి సినిమాకి కూడా ఈ దెబ్బ తప్పలేదు.

ఒకసారి మీరే చూడండి-

-సింహపురి సింహం (ఫ్లాప్)

-కొదమసింహం (ఇది నా ఫేవరెట్ సినిమా..యవరేజ్ గా ఆడింది)

-మృగరాజు (డిజాస్టర్)

 సింహాలొక్కటే కాదు, పులులు కూడా అంతే …

-పులి (చిరంజీవి సినిమా పాతది)

-పులి బెబ్బులి (ఫ్లాప్)

ఇంకా చెప్పాలంటే “పులిరాజు” అనేది ఆరాధన సినిమాలో చిరంజీవి పాత్ర పేరు. భారతీరాజా తీసిన ఈ సినిమా తమిళం లో హిట్టయింది. మరి తెలుగులో – “అరె ఏమయిందీ..” అంటే… మళ్ళీ దెబ్బపడింది.

ఈ నేపథ్యం లో చిరంజీవి వారసుడిగా చరణ్ ని పరిచయం చేస్తున్న మొదటి సినిమా పేరు చిరుత అనగానే – టైటిల్ బాగున్నప్పటికీ సెంటిమెంటు పరంగా దెబ్బతింటుందేమోనని కొంతమంది ఫ్యాన్స్ అప్పట్లో టెన్షన్ పడ్డారు. చిరుత కలెక్షన్స్ పరంగా “ప్రాఫిట్ వెంచరే” కానీ ఇటు ప్రేక్షకుల్ని కానీ అటు ఫ్యాన్స్ ని కానీ సాటిస్ఫై చేసిన సినిమా కాదు.

మరి ఇన్ని సెంటిమెంట్ల మధ్యలో పవన్ కళ్యాణ్ నెక్స్ట్ సినిమా పేరు “పులి” …ఏమవుతుందో చూడాలి..ఈ సారయినా ఈ సెంటిమెంట్ బ్రేకవ్వాలనే ఆశిద్దాం.

దీనికి కాంట్రారీ గా బెబ్బులి పులి, బొబ్బిలి సింహం, సమరసింహారెడ్డి, నరసింహ నాయుడు, (స్నేహం కోసం లో చిరంజీవి పాత్ర పేరు సింహాద్రి. మరి ఆ సినిమా హిట్టా అంటే హిట్టే కానీ…అలాగే గంగోత్రి లో అల్లు అర్జున్ పేరు కూడా సింహాద్రే) సింహాద్రి -ఇవన్నీ హిట్లే- ఒక్క సీమ సింహం తప్ప. మరి బాలయ్య నెక్స్ట్ ఫిల్మ్ “సింహా” ఏమవుతుందో చూడాలి 🙂